Toshkent davlat iqtisodiyot universiteti Korporativ boshqaruv fakulteti dekani U.Xalikov Europa Ittifoqi tomonidan moliyalashtiriladigan Erasmus+ dasturi bo’yicha Gretsiyaning Aristotel universitetida (QS-500) malaka oshirishda ishtirok etmoqda.
Dastur rejasiga muvofiq universitetda talabalar uchun yaratilgan sharoitlar bilan tanishish, o’quv jarayonini samarali tashkil etish, yakuniy imtihon jarayonlari kuzatish, xalqaro talabalar bilan ishlash bo’limi faoliyati bilan tanishish, kafedralarda uqituvchilarni samarali boshqarish tizimi, talabalarga mustaqil ta’limni tashkil etish va o’qituvchilar malakasini oshirish bo’yicha bir qator uchrashuvlar o’tkazildi.
Ma’lumot uchun Aristotel universiteti 1925 yil tashkil topgan. Universitetda 12 fakultet mavjus bo’lib, 41 yo’nalish bo’yicha 80000 yaqin talaba, shundan 7000 yaqin xorijiy talaba tahsil oladi. Universitet Gretsiyadagi eng katta va uzoq tarixga ega universitet hisoblanadi.
